Аляксей Бага: «Трэба да зімы дажыць. Хочацца планаваць на будучыню, але жыццё паказала, што гэта бывае неабдумана. Жывем сённяшнім днём»

Галоўны трэнер «Шахцёра» Аляксей Бага падзяліўся меркаваннем аб сваёй будучыні. Нагадаем, тэрмін пагаднення з клубам складае яшчэ два гады.

– Трэба да зімы дажыць. Па-першае, як мы скончым сезон, па-другое, у вялікай групы гульцоў заканчваюцца кантракты, ёсць праславуты бан на заяўку новых гульцоў.

Тут вельмi шмат «але» на наступны год. Сапраўды, ёсць кантракт, але як паказвае жыццё, усё можа памяняцца ў любую хвіліну, як у станоўчы бок, так і ў адмоўны.

Вельмі хочацца ўсё гэта планаваць на будучыню, але жыццё паказала, што часам гэта бывае неабдумана. Таму жывем сённяшнім днём, – сказаў Бага.