Расiйскі агент Смірноў: «Мiнск» адмовіўся аплачваць аперацыю Лапуну. Ён прааперыраваўся на грошы бацькоў»
Расiйскі футбольны агент і юрыст Антон Смірноў заявіў, што «Мiнск» адмовіўся дапамагаць гульцу каманды Ягору Лапуну, які атрымаў сур'ёзную траўму.
Лапун у гэтым сезоне правёў 12 матчаў у вышэйшай лізе.
– Сяргей Яромка ва ўдары. Ягоны «Мiнск» у перанесеным матчы абыграў на выездзе БАТЭ 2:1. Тут ён добры, пытанняў няма.
А вось ці так добры Сяргей Валер'евіч у адстойванні інтарэсаў сваіх футбалістаў, дзякуючы якім ён, няхай і перыядычна, але можа рабіць такія гучныя хайпавыя заявы?
У ягоным клубе ёсць гульцы, перад якімі кіраўніцтва не выконвае сваіх фінансавых абавязацельстваў. У тым ліку і не пакрывае ім выдаткі на медыцынскія выдаткі ў сувязі з атрыманай у клубе спартовай траўмай, што асабіста для мяне проста кашчунства.
Размова пра 24-гадовага апорнага паўабаронцу мінчан Ягора Лапуна, які парваў пярэднюю крыжападобную звязку, гуляючы за клуб, але клуб адмовіўся яму як-небудзь дапамагаць і аплачваць аперацыю з аднаўленнем.
Хлопец прааперыраваўся за свой кошт, на грошы бацькоў, аднаўляецца таксама. А у клубе яму проста сказалі, што няма грошай.
Па прыездзе з Германii я падрыхтую прэтэнзію, і мы накіруем у клуб, а потым будзем з ім судзіцца па кожнай выдаткаванай Ягорам і яго сям'ёй капейцы да пераможнага канца. І ён абавязкова наступіць. Бо трэба паважаць футбалістаў, іх працу і выконваць элементарныя абавязанні перад імі. Інакш трэба проста клуб закрыць і перастаць даваць магчымасць гуляць у вышэйшай лізе, – напісаў Смірноў.
