Мікалай Хадасевіч: «Беларусь абавязана прысутнічаць у Лізе канферэнцый. Гуляць у еўракубках – самы галоўны вопыт»

Журналіст Мікалай Хадасевіч на сваім YouTube-канале Hodasevich-LIVE выказаўся на тэму мінулых еўракубкавых матчаў з удзелам беларускіх гульцоў і трэнераў.

«Я калі гляджу на такія матчы групавога турніру Лігі Еўропы, асабліва Лігі канферэнцый, я вось што думаю. Ну вось еўракубкі зараз у сваіх пашыраных фарматах проста створаны для нас. Улетку мы глядзелі кваліфікацыі, глядзелі на супернікаў. Мне проста крыўдна. У групу Лігі Чэмпіёнаў забрацца складана, але Беларусь як мінімум у Лізе Канферэнцый прысутнічаць абавязана.

Зараз праводзяцца нейкія рэформы ў АБФФ, там прыбіраецца турнір дублёраў. Можа, адмовяцца, я вельмі спадзяюся, ад лімітаў на маладых футбалістаў. Можа, неяк знойдуць яшчэ дадатковае фінансаванне.

Я вельмі хацеў бы, каб найперш зрабілі ў тым ліку стаўку на моцны чэмпіянат Беларусі. Ёсць пакуль што магчымасць, і яна ёсць рэальна, каб моцны чэмпіянат ствараў моцныя каманды наверсе турнірнай табліцы, якія траплялі ў еўракубкі і якія маглі б трапляць у групавы турнір, як мінімум Лігі канферэнцый.

Вядома, гэта будзе самае вялікае дасягненне для беларускага футбола, таму што мець дачыненне да вялікай групы, няхай нават на ўзроўні Лігі канферэнцый, каманд еўрапейскіх, з імі сустракацца, гэта ёсць той самы галоўны вопыт», – сказаў Хадасевіч.