Віталь Трубіла: «ЧБ не дацягвае да РПЛ, ён недзе на ўзроўні з ФНЛ»

– Я быў у ФНЛ паўгода. У прынцыпе, узровень там дастаткова добры. І ўзровень РПЛ таксама падупаў, вядома, зараз легіянеры добрыя з'ехалі адтуль. Але ўсё роўна мне падаецца, беларускі чэмпіянат на сённяшні дзень да яе не дацягвае. Узровень ФНЛ – так, ён прыкладна роўны.

Зноў жа, я за беларускім чэмпіянатам не магу сказаць, што вельмі пільна сачу, але па водгуках, па нейкіх матчах, па матчах зборных, па матчах Еўракубкаў зразумела становіцца, што ўзровень упаў.

Гэта лагічна, гэта датычыцца як бы фінансавага боку. Што фінансавы бок упаў, ліміты з'явіліся. Адпаведна, узровень упаў, моладзь таксама крыху не дацягвае. Тым больш, зараз вельмі шмат маладых гуляе, і гэта адбіваецца.

– Ну, а табе не здаецца, што, улічваючы, што моладзь зараз гуляе, праз там 5-6 гадоў можа быць шалёны выхлап, і якраз за кошт гэтага ў нас чэмпіянат вырасце?

– Мне так не здаецца, таму што каб футбалісты раслі, яны не павінны варыцца ва ўласным соку. Гэта значыць, павінны з'яўляцца добрыя легіянеры, яны павінны ўдзельнічаць у якасных турнірах, гуляць супраць зорак. Яны мусяць бачыць, куды ім імкнуцца. На жаль, гэтага не адбываецца.

І калі яны варацца ў сваім соку, ім здаецца, што яны нешта з сябе ўяўляюць, калі выходзяць на міжнародную арэну. І мы бачым, што там яны правальваюцца, на жаль. Я гэта бачу так, але час пакажа. Буду рады, калі апынуся няправы, – падзяліўся Трубіла.