Экс-гулец «МЮ» Паркер: «Дэ Хеа быў брамнікам, якому можна даверыцца – да Анана даверу няма»

«Слабымі бакамі Анана з’яўляюцца ягоныя брамніцкія здольнасці. Асабліва яго ўменне рабіць сэйвы, як ён адбівае мяч, куды яго накіроўвае. Ён нестабільны і ніколі не кантралюе свае сейвы – адчуванне, быццам мяч ляціць, як ад батута.

Спадзяюся, у выпадку з Андрэ паўторыцца гісторыя Дэ Хеа, калі ён у пэўны момант зразумее англійскі футбол. Усе кажуць, які ж ён быў добры ў «Інтэры», але пакуль не бачу гэтага.

Італьянскі футбол не такі інтэнсіўны, як англійская. Тут у яго больш выклікаў, чым у Італіі.

Дэ Хеа быў брамнікам, якому можна было даверыцца. Але да Анана даверу няма. Давід быў моцным ментальна. Мякка кажучы, сумняваюся, што некалі Андрэ зможа выступаць за «МЮ» на добрым узроўні.

Не ведаю, якія моцныя бакі ў Анана. Магчыма, ён сапраўды ўпэўнена гуляе нагамі, але да Эдэрсана ці Алісона яму яшчэ далёка. Хаця ўсе чакалі, што будзе гуляць нагамі на іх узроўні. Для мяне яны на ўзроўні вышэй за сярэдні, але людзі казалі пра значна вышэй, чым бачым. Андрэ сапраўды адчувае больш ментальных і фізічных цяжкасцяў, чым у Італіі.

Людзі вельмі цынічна і без павагі ставіліся да Дэ Хеа, таму што ён лепш адбіваў мячы, чым гуляў нагамі. Але трэба прызнацца, што Анана не так добра гуляе нагамі, як пра гэта казалі. Думаю, усё бачаць, што лінія абароны перад варотамі МЮ слабая, але ў Дэ Хеа таксама было так. Ён рабіў сваю працу як мог, але Анана нават і блізка не так спраўляецца з гэтым», – сказаў Паркер.