Уладзіслаў Марозаў: «Улетку «Дынама» не пагадзілася мяне прадаць. Можа быць, у студзені пагавару з кіраўніцтвам»

Нападаючы мінскага «Дынама» Уладзіслаў Марозаў выказаўся пра свой магчымы сыход з клуба.

«Цяпер яшчэ сезон не завершаны. І, наколькі я ведаю, у Еўропе трансфернае акно адкрываецца толькі ў студзені. І ў Расіі таксама. Гэта значыць, цікавасць можа быць толькі ў студзені. Таму зараз я нічога не ведаю.

Што да лета – так, была цікавасць. Гэта ўсплыло ў СМІ крыху са спазненнем, але ўсплыло. Перайсці было рэальна. У любым выпадку трэба ўлічваць інтарэсы «Дынама», тое, што жадаюць [у клубе] матэрыяльна і асабіста ад мяне, і тое, што я магу даць камандзе. Прыйшлі да агульнага меркавання, што зараз не.

Усё проста: «Дынама» не пагадзілася мяне прадаць. Мая думка тут, як бы гэта дэмакратычна ні гучала, не ўлічвалася. Атрымалася так, як атрымалася. Не шкадую пра гэта, таму што я чэмпіён краіны, я частка гэтай каманды – калі казаць асабіста пра мяне. Пабачым, што будзе далей.

З кіраўніцтвам «Дынама» не размаўляў. Была адна задача – выйграць. А там паглядзім. Можа быць, у студзені пагавару», – сказаў Марозаў.