Польскі агент Скарупа: «Я ўжо атрымаў першыя званкі з нагоды Шкурына, але на 100% ён завершыць сезон у Мельцы»
Польскі агент Іллі Шкурына Раман Скарупа распавёў пра пераход у «Сталь», а таксама падзяліўся інфармацыяй пра будучыню беларускага нападніка.
«Шчыра кажучы, перад сезонам у Польшчы не было вялікай цікавасці да Шкурына. У прынцыпе, толькі два клубы праявілі цікавасць. Адзін з іх, у канчатковым выніку, адмовіўся ад яго, падпісаўшы кантракт з іншым нападнікам. «Сталь» ж была канкрэтнай ад пачатку да канца, і таму яна атрымала поспех.
Я ўжо атрымаў першыя званкі з яго нагоды, але магу супакоіць заўзятараў: на 100% Шкурын завершыць сезон у Мельцы. А потым ён будзе свабодным агентам, так што цяжка прадказаць, што адбудзецца», – сказаў Скарупа.
Нагадаем, што правы на Шкурына належаць ЦСКА, кантракт футбаліста з маскоўскім клубам дзейнічае да лета 2024 года.
