Эрык тэн Хаг: «Манчэстэр Юнайтэд» гуляў у добры футбол у Лізе чэмпіёнаў»

Галоўны трэнер «Манчэстэр Юнайтэд» Эрык тэн Хаг пракаментаваў паражэнне ад «Баварыі» (0:1) і вылет з Лігі чэмпіёнаў і еўракубкаў у цэлым.

«Мы прайгралі не сёння (у сезоне ЛЧ – Tribuna.com), гэта зразумела. Сёння мы правялі добрую гульню, але таксама рабілі памылкі. Індывідуальныя памылкі. У рэшце рэшт гэта было недастаткова добра. Сёння гульня была вельмі добрай, мы не заслугоўвалі паразы, але мы прайгралі.

Каманда выступіла вельмі добра. Мы былі вельмі добрыя ў абароне і прэсінгу. Але мы не атрымалі ад гэтага дастатковай карысці, гэта праўда.

Але «Баварыя» – таксама добрая каманда. Нават калі яны не ў гульні, яны маюць індывідуальны клас, ім трэба толькі імгненне. Нажаль, так і выйшла.

Мы ведаем, што мы жадаем быць больш паслядоўнымі. Як трэнер, я павінен паляпшаць каманду, я мушу накіроўваць гульцоў, а яны павінны браць на сябе адказнасць. Мы мусім зрабіць гэта разам.

Гульцы падалі ўсё на поле, вы бачылі гэты дух. Я павінен аддаць належнае камандзе, вялікі камплімент ім за тое, як яны працавалі разам, як каманда, супраць добрай каманды «Баварыі».

Нам патрэбна энергія з лавы запасных, асабліва ў пярэдняй лініі, а нашы магчымасці былі абмежаваныя.

Ці са шкадаваннем я аглядаюся на гэтую кампанію? Не са шкадаваннем. Мы гэтага не зрабілі, але мы мусім гэта прыняць. Мы мусім вучыцца на гэтым. Мы гулялі ў добры футбол у Лізе чэмпіёнаў. Мы павінны паказаць добрую гульню ў АПЛ. Мы жадаем вярнуцца ў Лігу чэмпіёнаў.

Пра траўмы Хары Магуайра і Люка Шоу я не магу сказаць зараз. Мы павінны пачакаць 24 гадзіны, каб даць ацэнку», – сказаў Тэн Хаг у каментары TNT Sports.