Мікіта Навумаў: «Петрапаўлаўск падобны да Наваполацка. Ёсць тры асноўныя вуліцы, толькі па іх і ездзіў»
Беларускі футбаліст «Віцебска» Мікіта Навумаў распавёў пра казахстанскі горад Петрапаўлаўск, у якім ён гуляў за «Кызыл-Жар».
– Петрапаўлаўск знаходзіцца на самай поўначы Казахстана. Там, кажуць, нават увесну марозна і снежна?
– Неяк у чэрвені сыходзілі з вячэрняй трэніроўкі. Я ішоў у шортах, майцы і сланцах. А прама на наступны дзень з раніцы ужо ў цёплым байкавым касцюме, куртцы і шапцы. Гэта значыць, за такі кароткі час тэмпература рэзка ўпала з 25 да 5 градусаў. Ды і тыя адчуваліся як мароз. Таму што там вялікія вятры. Ды і ўвогуле, халаднавата. За ўсё лета, мусіць, толькі тыдзень-паўтара патрымалася спякота пад сорак градусаў. А так, там у асноўным свежа.
– На які наш горад падобны?
– На Наваполацк. Праўда, ён уздоўж адной доўгай прамой вуліцы пралягае – Моладзевай. А Петрапаўлаўск крыху раскіданы, таму што там такіх вуліц тры. Я калі і ездзіў, то толькі па іх – на ўскраінах не бываў. Ды і ўвогуле, асабліва нікуды не выходзіў. Мы жылі ў гатэлі. Там жа і елі. Побач – стадыён. Адзін вялікі гандлёвы цэнтр ёсць – вось туды ездзілі. Улетку пару разоў усёй камандай выбіраліся на адпачынак у парк з адчыненым басейнам. Здымалі там хаткі, мяса смажылі. Ну і, зразумела, у горадзе заходзілі ва ўстановы – таго ж шашлыка з бараніны паесці. Смаката ўсё ж такі, – распавёў Навумаў.
