Станіслаў Сувораў: «Гульня прайшла нядрэнна, але наперадзе яшчэ шмат працы»
Галоўны трэнер «Шахцёра» Станіслаў Сувораў пракаментаваў перамогу над «Славіяй» (1:0).
– Станіслаў Уладзіміравіч, каманда правяла першую таварыскую гульню гэтага міжсезоння. Што атрымалася, што не атрымалася? Як ацаніць?
– Скажам так, добры тыдзень працы. Нудненькая, цяжкая. Адчуваю, цяжкавата ім, але ў нас выбару іншага няма, трэба працаваць. Гульня прайшла нядрэнна, ёсць даволі шмат добрых эпізодаў, але таксама будзем працягваць працаваць: шмат чаго трэба выправіць, таму працы яшчэ шмат – усё наперадзе.
– Два таймы вы згулялі рознымі складамі. Першапачаткова так планавалі, каб дазаваць нагрузку?
– Вядома, гэта толькі першы тыдзень працы, усё паступова, са старту ірваць не будзем.
– Брамнікі згулялі па 30 хвілін. Чым гэта растлумачце?
– Для іх таксама рацыянальна размеркавалі час у першай таварыскай сустрэчы, але далей будзем даваць больш часу камусьці з хлопцаў, – сказаў Сувораў.