Вадзім Скрыпчанка: «Калі дубль «Дынама» пойдзе ў першую лігу, гэта будзе вельмі добра»
Галоўны трэнер мінскага «Дынама» Вадзім Скрыпчанка выказаў сваё меркаванне наконт рэфармавання першынства дублёраў.
«Напэўна, гэта агульнае меркаванне футбольнай грамадскасці. Канечне, канчатковае рашэнне заўсёды за федэрацыяй футбола, але ў цэлым нарада трэнераў і кіраўнікоў клубаў прайшла даволі эфектыўна, даволі прадуктыўна з пункту гледжання прыняцця рашэнняў. Усе выказалі меркаванне, што турнір дублюючых саставаў сябе ў нейкай ступені зжыў.
У нас і так амаладзіўся чэмпіянат, дастаткова шмат маладых футбалістаў не толькі ў вышэйшай лізе, але і ў першай лізе. У цэлым амаладжэнне ўжо адбылося, таму гэтым хлопцам маладым яшчэ і гуляць паміж сабой на першынства дублюючых саставаў у нейкай ступені і неэфектыўна, і нецікава.
Канешне, хацелася б, каб гэта была першая ліга. Але ў той жа час зразумела, што ўсе каманды не пайдуць у першую лігу. Тут ёсць спартыўны момант вельмі важны. І ёсць яшчэ фінансавы бок, які таксама нямала важны. Таму з гэтага пункту гледжання, калі дублюючы склад мінскага «Дынама» пойдзе ў першую лігу, гэта будзе вельмі добра», – сказаў Скрыпчанка.
