Ігар Крывушэнка: «Вялікіх прэтэнзіяў да гульцоў БАТЭ няма»
Галоўны трэнер БАТЭ Ігар Крывушэнка пракаментаваў паразу ў спарынгу са «Слуцкам» (1:2).
– Па змесце былі шурпатасці. Апошняя гульня на зборы, ёсць стомленасць. Вялікіх прэтэнзій няма. Але неабавязковыя страты мяча, калі пад ціскам моцным не знаходзімся... Пры першым голе памылка такая, пры другім таксама: пайшлі ў атаку, вызвалілі зоны, дазволілі суперніку разбегчыся.
Галоўнае, што ёсць ежа. Давядзём да хлопцаў асноўныя моманты. На зборы над усім працавалі: над тактычнымі момантамі і фізічнымі. Добра, што ёсць час выправіць гэтыя памылкі. У астатнім – працоўныя моманты.
– Як праявілі сябе новыя гульцы каманды?
– Футбалісты пакідаюць нядрэннае ўражанне. Па камусьці, як па Панюкову, вызначыліся. Па камусьці яшчэ прымем рашэнне.
Свае, маладыя хлопцы пакідаюць нядрэннае ўражанне. Але ёсць над чым працаваць. Патэнцыял бачны.
– Што вас радуе?
– Радуе стаўленне хлопцаў. Яны церпяць. Відаць, што ім цяжка. Зразумела, свежасці ў нагах няма. Важна было паглядзець мысленне ў такіх неаптымальнай кандыцыях.
– Ёсць моманты, якімі не вельмі задаволеныя?
– Трэнер ніколі не павінен быць задаволены да канца. Момантаў такіх шмат. Будзем і відэа глядзець, і працаваць над выпраўленнем на трэніроўках, – сказаў Крывушэнка.
