Павел Назаранка: «У «Шахцёры» не спадабаўся трэнеру. З «Гомелем» усё атрымалася»
Абаронца «Гомеля» Павел Назаранка распавёў аб пераходзе ў новы клуб.
– Вы нядаўна трэніраваліся з «Шахцёрам». Чаму з'ехалі з Салігорску?
– Усё проста. Я не спадабаўся трэнеру.
– А як узнік варыянт з «Гомелем»?
– Мне патэлефанаваў спартыўны дырэктар Віктар Барэль. Сказаў: «Паша, у нас ёсць да цябе цікавасць». Так усё і атрымалася. Працую з камандай ужо два тыдні.
– Уражанні?
– Усё супер. Усё выдатна. Усё падабаецца. І хлопцы, і трэнерскі штаб, і сам горад. Ведаю, што і «Цэнтральны» – класны стадыён. А вось ні з кім з аднаклубнікаў раней нідзе і ніколі не гуляў. Але хлопцы простыя – як і я. Так што размаўляць з усімі вельмі лёгка і прыемна. Мы вельмі хутка знайшлі агульную мову.
– Як вам гатоўнасць «Гомеля» да сезону?
– Магу сказаць, што мне яна падабаецца. Падабаецца, як нашы трэнеры выбудоўваюць трэніровачны працэс. У нас ёсць некалькі варыянтаў і развіцця атакі, і таго, як абараняцца. Ды і наогул усё на даволі высокім узроўні. Так што хутчэй бы пачатак сезона, – сказаў Назаранка.
Падрабязная статыстыка футбаліста па спасылцы.
