Абаронца «Іслачы» Калачоў: «Канкрэтных задач нам не агучвалі»
Расійскі абаронца «Іслачы» Ілля Калачоў распавёў пра чаканні ад сезону.
– Па выніках мінулага сезона «Іслач» заняла чацвёртае месца. Чаго не хапіла да траплення ў прызавую тройку?
– Канкрэтна для клуба магу сказаць, што гэта даволі добры вынік. Упершыню ў гісторыі «Іслач» заняла такое месца. І мы вельмі задаволеныя гэтым, але мяркуючы па той развязцы, якая была ў канцы мінулага сезону, канкрэтна ў апошнім туры, калі ўсе паралельныя матчы склаліся для нас спрыяльным зыходам, але мы спатыкнуліся там, дзе не павінны былі, напэўна, гэта рэальна трапіць у тройку. Я думаю, розныя прычыны паўплывалі на той вынік, які атрымаўся ў гульні з «Мінскам», але здарылася, як здарылася.
– Наколькі рэальна ў гэтым сезоне трапіць у тройку?
– Канкрэтных задач нам не агучвалі. У мінулым сезоне мы былі ў такой жа сітуацыі, як цяпер, правялі яго стабільна і змаглі заняць чацвёртае месца. Значыць гэта рэальна. Усё будзе залежаць толькі ад нас. Перад намі стаяла задача гуляць на перамогу, забіраць ачкі, і мы гэта выконвалі, – сказаў Калачоў.
