Сяргей Падпалы: «Бага і Катляроў могуць спакойна знайсці сабе варыянты працаўладкавання»
Спартыўны дырэктар «Шахцёра» Сяргей Падпалы распавёў, што футбалістам, якія з-за трансфернага бана засталіся па-за заяўкай на сезон, будзе аказана дапамога ў пошуках новага месца працы.
– Цяпер вам прыйшлося аператыўна падшукваць варыянты працаўладкавання для гульцоў, якія так і засталіся па-за заявай клуба?
– Так. Але гэтыя хлопцы – добрага ўзроўню. І таму многія з іх адразу і хутка абзавяліся новай клубнай прапіскай.
– Аднак гэта не тычыцца паўабаронцаў Дзмітрыя Багі і Аляксандра Катлярова. Якая іх будучыня?
– Гэтыя гульцы маюць статус свабодных агентаў. А такія згодна з рэгламентам яшчэ могуць папоўніць заяўкі каманд вышэйшай лігі на працягу двух тыдняў пасля заканчэння заявачнай кампаніі. Так што яны могуць спакойна знайсці сабе варыянты працаўладкавання. І мы таксама з нашага боку будзем гэта рабіць, – сказаў Падпалы.