Хаві пра расісцкія выказванні ў бок Ямаля: «Каментар быў агідным, няма патрэбы казаць пра гэта»
Галоўны трэнер «Барселоны» Хаві перад матчам 31-га тура Ла Лігі супраць «Кадыса» пракаментаваў скандал, які ўзнік з-за расісцкіх выказванняў Германа Бургоса ў адрас гульца каталонцаў Ламіна Ямаля.
«Каментар быў агідны і ён заслугоўвае асуджэння. Ламін адчувае сябе добра, ён спакойны і шчаслівы. Няма неабходнасці больш казаць пра гэта», – сказаў Хаві.
Былы памочнік Дыега Сімяоне ў «Атлетыка» Герман Бургос раней быў звольнены з тэлеканала. Падчас перадматчавай студыі да матчу «ПСЖ» – «Барселона» ён сказаў, што калі ў футбол у Ламіна не выйдзе, ён можа працаваць на святлафоры.
Гэты каментар быў прызнаны расісцкім і класава няроўным у яго намёку на тых, хто патрабуе грошай у кіроўцаў, якія спыняюцца на святлафоры.
Матч 31-га тура «Кадыс» – «Барселона» адбудзецца 13 красавіка, пачатак у 22.00.