Райманд Адэола: «Праца са Скрыпчанкам мне прыносіць задавальненне»
Гулец мінскага «Дынама» Райманд Адэола распавёў аб працы з Вадзімам Скрыпчанкам.
– Твае ўражанні аб працы з Вадзімам Скрыпчанкам?
– Я не ведаў гэтага трэнера асабіста. Але цяпер магу сказаць, што праца з Вадзімам Скрыпчанкам мне прыносіць задавальненне. Гэта чалавек, які заўсёды імкнецца паказаць і расказаць табе тое, што ён хоча бачыць. І калі ты будзеш слухаць і выконваць тое, што ён просіць, – не будзе ніякіх цяжкасцяў.
– Можаш у трох словах апісаць Скрыпчанку як трэнера?
– Думаю, што трох слоў будзе недастаткова, але паспрабую. Магу сказаць дакладна, што ён-чалавек з моцным характарам, вельмі эмацыйны і сапраўдны прафесіянал.
– Якая атмасфера цяпер у камандзе?
– Мы – адна вялікая сям'я. Як толькі я прыехаў у «Дынама», усе паставіліся да мяне так, як быццам ведаюць мяне ўжо некалькі гадоў. Вельмі класная атмасфера ўнутры! – сказаў Адэола.
