Юрген Клоп: «Тыдзень таму ўсе думалі, што гэта канец для «Ліверпуля» ў ЛЕ – я не думаю, што сёння ўсе лічаць, што ўсё вырашана»

«Калі мы зможам зрабіць камбэк (як супраць «Барселоны» у 2019 годзе – Tribuna.com) – гэта будзе выдатна. Я памятаю, я тады казаў, што калі мы не зможам гэта зрабіць, давайце правалімся найлепшым чынам.

Звычайна я не рыхтую прамоў, асабліва за дзень да гульні. Тое, што я скажу рабятам – гэта тое, пра што я падумаю заўтра.

Калі мы пацерпім няўдачу, давайце зробім гэта самым прыгожым спосабам. Я бачу гэта менавіта так.

Мы хочам выйграць гэтую гульню. Але калі мы хочам выйграць, нам трэба гуляць добра, і калі мы згуляем добра – у нас будзе шанец выйграць.

Непасрэдна пасля першага матча ўсе на стадыёне ў Ліверпулі, балельшчыкі, «Аталанта" і наш персанал думалі, што гэта ўсё. Але я ня думаю, што сёньня ўсе лічаць, што ўжо ўсё вырашана.

Мы тут і можам згуляць добра, давайце паглядзім, што зможам паказаць на полі заўтра. Калі мы выйграем, гульцы знойдуць прычыну расказаць свету тое, што я ім скажу, а калі мы прайграем, ніхто не захоча гэта пачуць», – сказаў Клоп.

У першым матчы на «Энфілдзе» «Ліверпуль» уступіў «Аталанце» з лікам 0:3. Матч у адказ 1/4 фіналу Лігі Еўропы адбудзецца 18 красавіка, пачатак у 22:00.