Жазэ Маўрынью: «Нават калі я трэнірую каманды, якія не створаны для перамог, людзі чакаюць ад мяне перамогі»

Партугальскі трэнер Жазэ Маўрынью падзяліўся планамі на будучыню.

«У мяне няма ніякіх планаў. Што будзе, тое будзе. Вага маёй гісторыі вельмі вялікая. Я ведаю, што нават калі я трэнірую каманды, якія не створаны для перамог, людзі кожны раз чакаюць ад мяне перамогі. За апошнія два гады я дайшоў да двух эўрапейскіх фіналаў.

Я хачу трэніраваць, гэта фундаментальная частка майго жыцця, без трэніровак няма шчасця. Дзе? У любым клубе, які мае добры трэніровачны цэнтр, дзе можна добра трэніравацца. Я не атрымліваў запрашэнне ні ад аднаго партугальскага клуба», – сказаў Маўрынью.

У студзені гэтага года Маўрынью быў звольнены з «Ромы».