Футбаліст «Віцебска» Лісоўскі пра гульню з мінскім «Дынама»: «Не было адчування, што гуляем з чэмпіёнам»

Паўабаронца «Віцебска» Раман Лісоўскі пракаментаваў нічыйны вынік у матчы з мінскім «Дынама» (1:1).

– Чаго не хапіла «Віцебску» для перамогі?

– Калі мы забілі гол, селі бліжэй да сваёй брамы. Не ведаю, прымусіла нас «Дынама» гэта зрабіць ці больш псіхалагічна ўтрымлівалі рахунак. Лічу, што мы не павінны такога рабіць. Павінны былі знаходзіцца крыху вышэй за ўсю каманду.

– Было адчуванне, што гуляеце з чэмпіёнам, ці як і з іншымі камандамі?

– У нас цяпер быў адрэзак – што «Нёман», што БАТЭ... Добрыя каманды, якія змагаюцца за чэмпіёнства. Не было адчування, што гуляем з чэмпіёнам. Зразумела, што «Дынама» на паперы з гэтым тытулам, але рыхтаваліся і гулялі як звычайна.

– Ці зʼяўляецца больш упэўненасці ў каманды пасля такіх матчаў, як з «Нёманам» і БАТЭ?

– Вядома, псіхалагічна ўпэўненасць дадаецца. Прычым пасля перамог над любымі камандамі, няхай гэта будзе «Нёман» або БАТЭ. Пасля станоўчых вынікаў заўсёды лягчэй рыхтавацца.

– Што сказаў Аляксандр Паўлаў У перапынку, калі «Віцебск» знаходзіўся ў статусе вядучага?

– Падкарэктаваў тое, што ў нас не атрымлівалася. А што было ў распранальні – там і застанецца. Сказаў, што прыйдзецца трываць. Так і атрымалася ў другім тайме. Але, як аказалася, не дацярпелі.

– Як будзеце настройвацца на наступныя гульні?

– Цяпер будуць выходныя, а далей будзем рыхтавацца перамагаць. У нас у кожнай сустрэчы такая задача, – сказаў Лісоўскі.