Маўрысіа Пачэціна: «Еўракубкі – мэта «Чэлсі»
Галоўны трэнер «Чэлсі» Маўрысіа Пачэціна распавёў, ці стаіць перад клубам задача выхаду ў еўракубкі.
«Для нас гэта важна. Гэта важная мэта – патрапіць у еўракубкі. Мы сканцэнтраваны на наступнай гульні – супраць «Нотынгем Форэст».
Дасягаць нечага падобнага важна для кожнага клуба. Улічваючы ўсе акалічнасці і рэальнасць, з якой мы жылі ў гэтым сезоне, я думаю, што гэта нашая мэта.
Гэта праўда, што гэта будзе цяжка зрабіць, але зараз самае важнае – паўтарыць нашу гульню за апошнія некалькі тыдняў у матчы супраць «Нотынгем Форэст».
Мы вельмі добра ведаем, што калі выйграем апошнія тры гульні, то зможам апынуцца на месцы, якое дазволіць нам гуляць у еўракубках у наступным сезоне», – сказаў Пачэціна.
Пасля 35 тураў лонданцы ідуць сёмымі ў турнірнай табліцы АПЛ.
