Гулжыгіт Алыкулаў: «Цяпер «Нёману» трэба выйграць ЧБ і паспяхова выступіць у ЛК»
Паўабаронца «Нёмана» Гулжыгіт Алыкулаў пракаментаваў матч з «Іслаччу» (2:0) у фінале Кубка Беларусі.
Адзначым, што з-за дыскваліфікацыі, але назіраў за гульнёй з трыбуны і атрымаў медаль пераможцы на ўзнагароджанні.
– Ведаючы, як усё скончылася, моцна засмучаныя, што не ўдалося прыняць удзел у матчы?
– Знерваваўся моцна, таму што хацеў дапамагчы сваёй камандзе. Але вельмі рады, што хлопцы справіліся без мяне. Наша каманда настолькі згуртаваная, што мы не адчуваем, нават калі на краі няма Ігара Мікалаевіча [Кавалевіча]. Кубак выйгралі, зараз трэба выйграць чэмпіянат і паспяхова выступіць у Лізе канферэнцый.
– На вашай пазіцыі ў гэтым матчы гуляў Ілля Кухарчык ...
– Малайчына! Выдатна правёў гульню, вельмі годна – проста топ сёння!
– Вам, як і Ігару Кавалевічу, прыйшлося глядзець матч з трыбуны?
– Так, мы былі паблізу. Ён стараўся не паказваць свае эмоцыі, але відавочна моцна перажываў. Я таксама. Скажу, што на трыбунах панерваваўся больш, чым калі б быў на полі.
– У Кыргызстане за гульнёй хтосьці сачыў, хоць вас не было на полі?
– Так, канешне. Усе сваякі. Ужо кучу віншаванняў даслалі, – сказаў Алыкулаў.
