Трэнер жаночай зборнай Пяўніцкі: «Кажу: не можаш супрацьстаяць больш крутой суперніцы – укусі, каб я ведаў – з табой можна мець справу»
Галоўны трэнер жаночай зборнай Беларусі па гандболе Валерый Пяўніцкі расказаў пра перспектывы каманды ў будучыні і развіцці жаночага гандбола.
– Вы яшчэ не сустрэліся з камандай, але ўжо пацвердзілі прыхільнасць жорсткім метадам кіраўніцтва, і ўсе даведаліся Пяўніцкага - яркага прадстаўніка савецкай школы, якім палохалі многія пакаленні беларускіх гандбалістак.
– Ну што парабіць, за доўгія гады працы ў людзей ужо склалася меркаванне пра мяне – развенчваць яго я не збіраюся. Я ўсяго толькі даў выразны сігнал, што зборная – гэта не санаторый і не дадатковая магчымасць прыехаць на радзіму ў адпачынак. Мы будзем ставіць канкрэтныя задачы і працаваць над іх увасабленнем у жыццё.
– І ўсё ж: ці магчымы хуткім часам прарыў беларускай гандбольнай зборнай?
– Гэта справа не аднаго дня. Скажу па сабе – гарэць, як раней, я не буду. Я ўважліва назіраў за працай [расійскага трэнера Яўгенія] Трафілава і цудоўна разумею, што ў нашым узросце ў трэнера павінны быць нейкія эмацыйныя абмежаванні. Інакш яго надоўга не хопіць. Буду расходаваць сілы эканомна. Ва ўсякім разе, мне так здаецца.
Але тое, што нашай зборнай час выходзіць з ценю, гэта відавочна.
Лічу, што калі дзяўчынкі захочуць пакінуць свой след у гісторыі айчыннага гандбола, каб потым можна было расказваць пра гэта сваім дзецям і ўнукам, то ў іх гэта атрымаецца. Але для гэтага трэба будзе вельмi шмат папрацаваць.
Я глядзеў нашыя таварнякі з Расіяй, дзесьці каманда чаплялася, гэта добра. Але ўсё роўна для расіянак становішча ні разу не было крытычным, яны перамагалі за кошт класа, у тым ліку, калі трэба, дадатковую перадачу.
Я ж заўсёды казаў, хай нават жартам, што калі не можаш супрацьстаяць больш класнай саперніцы, то ты хоць яе ўкусі, упіся ў руку ці ў нагу, каб я ведаў, што з табой можна мець справу.
– Так што, калі ў восеньскіх спарынгах на расійскіх дзяўчынках застануцца адбіткі зубоў беларускіх дзяўчынак, то…
– Нічога страшнага, няхай не крыўдуюць. Проста гэта будзе значыць, што мы расцём... – сказаў Пяўніцкі.
