Трэнер «Магілёва» Мацярухін пасля 11 паражэнняў запар: «Мы клуб, які дае шанц гульцам, якія нідзе не спатрэбіліся»

– Сапернік на нас ціснуў, стаў гуляць агрэсіўна. У першым перыядзе добра рухаўся, мы не змаглі ўтрымаць гэты тэмп. Папрасіў хлопцаў згуляць крыху прасцей, па магчымасці больш атакаваць. Мы прайгралі, таму няма чаго казаць пра ўдалыя адрэзкі. Мы незадаволены. Малайцы, што забілі, 5 на 4 працуе, але іншыя моманты пакідаюць жадаць лепшага.

– Серыя паражэнняў доўжыцца ўжо 11 гульняў…

– Не глядзім у табліцу. Я выдатна ведаю, як мы гуляем. Зараз мы клуб, які дае шанц іншым гульцам, якія нідзе не спатрэбіліся. Яны набіраюцца досведу, каб атрымаць шанец у іншым клубе. Альбо яны сыдуць, альбо застануцца.

- Калі сыйдуць, то вас зноў давядзецца пачынаць спачатку.

– Як гэта было ў гэтым сезоне. Многія скончылі ці сышлі, прыйшлося збіраць усё нанова. Калі б мы маглі пакінуць Паддубнага, зараз бы дадалі б яго да Осіпава і Бачкарова, плюс пара абаронцаў – была б іншая справа. Натуральна, нялёгка.

– Якая задача стаіць на гэты сезон?

– Хацелася патрапіць мінімум у васьмёрку. Мы пра гэта размаўлялі на Кубку Салея, мы там лепш гулялі з сапернікамі, чым зараз. Хай зараз у нас 11 паражэнняў запар, у шматлікіх матчах мы гулялі не горш, чым сапернік, насамрэч. Але ў нас кульгае завяршэнне, абарона. Тры абаронцы ў лазарэце, шукаем хлопцаў без каманд, даем ім шанц і стараемся выжыць па максімуме.

– Яшчэ рэальна ўчапіцца за дзясятае месца?

– Няма розніцы: 10, 11 або 12. Трэба трапляць у васьмёрку, нават праз плэй-ін. Часу дастаткова, яшчэ палова сезона. Не важна, якія ўмовы – рукі ніхто апускаць не будзе. Нам губляць няма чаго, кожную гульню мы будзем выкладвацца, – сказаў Мацерухін.

«Магілёў» займае апошняе, 12 месца.