Міхалёў пасля паражэння «Дынама-Шынніка»: «Трэба было проста гуляць у свой хакей. Некаторыя вырашылі па-іншаму»

Галоўны трэнер «Дынама-Шынніка» Андрэй Міхалёў падзяліўся меркаваннем пра матч супраць «Сахалінскіх акул» (2:3).

– Чаму не атрымалася выйграць гэты матч?

– А вы бачылі лакросы ў другім і трэцім перыядзе, якія хлопцы спрабавалі выканаць? Не забіваеш ты - забіваюць табе. Два разы мы спрабавалі зрабіць лакрос і два разы мы прапусцілі. У мяне няма ніякіх апраўданняў. Каманда мусіць даводзіць гульню да лагічнага канца, да перамогі, а не дазваляць сабе такія дзеянні.

– Не трэба было нешта выдумляць?

– Трэба было проста гуляць у свой хакей і выконваць трэнерскую ўстаноўку. Некаторыя вырашылі па-іншаму, – сказаў Міхалёў.