Аляксандр Скоранаў: «У СКА я быў слабейшым за тых хлопцаў, якія гулялі ў КХЛ. І гэта нармальна, таму што гэта клуб з вялікімі амбіцыямі»

Беларускі нападаючы маскоўскага «Дынама» Аляксандр Скоранаў узгадаў пра пераход са СКА.

– У СКА ўсё было добра ў тым плане, што мне далі шанец і распавялі, над якімі момантамі трэба працаваць і чым займацца ў першую чаргу. Гэта я і рабіў у мінулым сезоне. Дзякуй ім за прадстаўленую магчымасць.

Я быў слабейшы за тых хлопцаў, якія гулялі ў КХЛ. І гэта нармальна, бо ў СКА клуб з вялікімі амбіцыямі, дзе сабрана шмат таленавітай моладзі і моцных гульцоў. Я проста стараўся працаваць далей. Расчаравання сапраўды не было.

Ці быў матч са СКА прынцыповым для мяне? Заўсёды аднолькава моцна настройваюся на любую сустрэчу. Выходзячы на матч, хачу паказваць толькі свае лепшыя якасці, а не нейкія недахопы.

Бо недахопы лепш дэманстраваць на трэніроўках, каб трэнерскі штаб меў магчымасць іх паправіць, а ў матчах трэба паказваць усё лепшае.

Матч са СКА быў для мяне звычайнай радавой сустрэчай. Мне не важна – гуляем мы са СКА ці з «Амурам», – мая матывацыя ўсё роўна на мяжы, таму што сама гульня ў КХЛ – гэта і ёсць матывацыя для мяне. Вельмі хачу гуляць у гэтай лізе, – сказаў Скоранаў.

22-гадовы Скоранаў у гэтым сезоне правёў 11 матчаў, закінуў 4 шайбы і аддаў 5 галявых перадач.

⚽️ Чэмпіянат свету-2022 па-беларуску і без VPN! Пампуй дадатак Tribuna.com