Скоранаў пра выклік у зборную Беларусі: «Трэба ехаць у зборную, выходзіць на лёд, рабіць тое, што можаш, і атрымліваць задавальненне ад хакея»

22-гадовы форвард маскоўскага «Дынама» і зборнай Беларусі Аляксандр Скоранаў падзяліўся інфармацыяй пра свой удзел у Кубку Першага канала па хакеі, які будзе праходзіць з 15 па 18 снежня ў Маскве. 

– Я згуляю. Вельмі рады выкліку ў зборную. У нас будзе збор у Мінску – з'явіцца магчымасць убачыцца з роднымі, з якімі мала бачымся. Ды і згуляць на такім турніры для мяне ганарова. У той жа зборнай Расіі па-любому не будзе дрэннага складу.

Гэта ў дарослых і ўжо дасведчаных хакеістаў у дадзены момант можа і не быць нейкага стымулу, а маладым хлопцам у любым выпадку будзе цікава. Моладзь сто працэнтаў будзе чапляцца за пададзены шанец, таму што кожны выклік у нацыянальную каманду – гэта шанец даказаць і самому сабе, і трэнерам, і менеджарам, што ты чагосьці каштуеш і нешта можаш. Трэба ехаць у зборную, выходзіць на лёд, рабіць тое, што можаш, і атрымліваць задавальненне ад хакея», — сказаў Скоранаў. 

У сёлетнім сезоне Аляксандр Скоранаў правёў 11 матчаў, закінуў 4 шайбы і аддаў 5 галявых перадач.

⚽️ Чэмпіянат свету-2022 па-беларуску і без VPN! Пампуй дадатак Tribuna.com