Трэнер «Металурга» Краўчанка пра паражэнне ад «Шахцёра»: «Дастаткова добра праводзілі матч. Адзінае, для перамогі трэба забіваць галы»
Галоўны трэнер «Металурга» Дзмітрый Краўчанка падвёў вынікі першай гульні з «Шахцёрам» (1:2).
– Дастаткова добра праводзілі матч. Адзінае, для перамогі трэба забіваць галы. Тыя моманты, якія мы стваралі, трэба было рэалізоўваць. На жаль, не рэалізавалі, адгэтуль і вынік – паражэнне.
– Большасць камандзе таксама не атрымоўвалася сёння.
– Так, стваралі добрыя моманты і ў большасці. Але значыць апанент гуляў так, што не дазволіў рэалізаваць. Паглядзім відэа, разбяром гэты кампанент. Ён важны, і ён цяпер стварае нам праблему. Гэта лішнія гол ці два, якія трэба забіваць.
– Магчыма, адбіваецца нагрузка, пад якой хлопцы былі ў міжнароднай паўзе?
– Я бы не сказаў. Мы добра працавалі, трэніраваліся. Для мяне гэта слова недарэчнае, таму што мы ўсе ведаем, для чаго гэтую працу рабілі. Вынік трэба паказваць цяпер. Можа, рукі загружаныя ці што, калі не пападаем у тых момантах, у якіх павінны пападаць.
– Чакаеце вынікаў працы, якую праводзілі з хлопцамі?
– Так, канечне. Мы знаходзімся на правільным шляху. Мы не сядзім вочы заплюшчыўшы. Значыць, такі момант трэба прайсці, быць моцнымі і перадужаць яго. Гуляць усімі хакеістамі, больш хлопцаў павінны браць удзел у перамозе, чым на дадзены момант. Бывае, недзе некаторыя, у прыватнасці моладзь, вывальваюцца.
– Вы лічыце, што праблема больш у галовах?
– Я ведаю, што гэта гэтак і ёсць. Але гэта нашыя пытанні, і мы абавязаны іх вырашыць, – сказаў Краўчанка.