Трэнер «Брэста» Світо пра паражэнне ад «Лакаматыва»: «Не рэалізавалі свае моманты, а супернік, наадварот, рэалізаваў нашыя памылкі»

Галоўны трэнер «Брэста» Уладзімір Світо пракаментаваў матч з «Лакаматывам» (1:4).

– Сёння прайгралі з-за таго, што не рэалізавалі свае моманты. Маглі забіваць у большасці напачатку гульні. А супернік, наадварот, рэалізаваў нашыя памылкі.

– Не выйгралі ніводнага з перыядаў. Ці можна было недзе зачапіць гульню ці выйграць мікрадуэль?

– «Лакаматыў» аказаўся больш зараджаны. Не далі нам магчымасці выйграць змаганне на пятаку і закінуць. Яны згулялі надзейней.

– У цэлым, які цяпер стан пасля матча, усведамляючы, што матч з простым канкурэнтам за топ-6 прайграны?

– Яшчэ гульняў дастаткова. Будзем імкнуцца недзе набіраць ачкі, раз не атрымваецца з простымі канкурэнтамі, – сказаў Світо.