Трэнер «Нёмана» Летаў пра матч з «Хімікам»: «Першы перыяд не спадабаўся, неяк надта паважалі саперніка»
Галоўны трэнер «Нёмана» Яўген Летаў падзяліўся меркаваннем аб матчы «Хімікам» (3:1).
– Першы перыяд не спадабаўся, неяк занадта паважалі саперніка, былі невыразныя ў завяршальнай стадыі, такія важныя. У другім - уключылі хуткасці, па двіженні, па думцы апярэджвалі саперніка, таму прымушалі яго фаліць, большасць спрацавала, забілі добрыя галы.
– Што пашкодзіла ў першым перыядзе рэалізаваць шэсць хвілін большасці?
– Скажам так, шукалі нейкую суперперадачу, а трэба было наадварот згуляць прасцей, крыху хутчэйшы пас, кідкі, падбор – за кошт гэтага напружваць абарону саперніка.
– «Нёман» ужо сёння выйшаў у плэй-оф. Якія эмоцыі выпрабоўваеце?
– Калі сапраўды, нават не звяртаў на гэта ўвагі. Вядома, цешыць гэты факт. У любым выпадку, рухаемся ўперад, усе мы разумеем, ды чаго ідзём і чаго жадаем.
– Дастаткова актыўны атрымаўся месяц для каманды, паслязаўтра чарговы матч. У якіх кандыцыях падыходзіць да гэтай гульні каманда?
– Усё ў роўных умовах. Спачатку былі спараныя матчы, зараз ужо па тры матчы праз дзень. Добрыя адрэзкі, у якіх трэба правільна аднавіцца паміж гульнямі, тады будзе і свежасць і добры хакей.
– Вы сказалі, што першы перыяд не спадабаўся. Што казалі хлопцам у распранальні пасля першай трэці матча?
– Проста сказалі, што ў паўсілы ніводнага саперніка не абыграеш, трэба ўключыцца на ўсе сто працэнтаў. Уключыліся і перамаглі, – сказаў Летаў.
