Трэнер «Гомеля» Стась пра выдаленні: «Будзем разбірацца. Так справа не пойдзе. Напэўна, даўно штрафы не здавалі, давядзецца ўзгадваць»
Галоўны трэнер «Гомеля» Сяргей Стась падзяліўся меркаваннем аб матчы з «Шахцёрам» (2:5).
– Добры першы перыяд, а далей прайгралі ва ўсіх кампанентах: у барацьбе, у стыках, у руху - вынік па справе.
– Чаму вырашылі замяніць Філаненка пасля другой прапушчанай шайбы?
– Такое было рашэнне трэнерскага штаба.
– З чым звязваеце вялікую колькасць выдаленняў (6 хвілін штрафу – Tribuna.com) у другім перыядзе?
– Такія недарэчныя, дурныя выдаленні. Ну, будзем разбірацца. Так справа не пойдзе, тым больш у зоне нападу. Напэўна, даўно штрафы не здавалі, давядзецца ўспамінаць.
– У гэтым сезоне выйгралі ў «Шахцёра» толькі адзін матч, і той па булітах. Можаце назваць салігарчан нязручным сапернікам?
– Не, гэта зручная, добрая каманда, з добрым складам і падборам гульцоў.
– Ці адчуваеце вы што зараз нейкі спад у каманды?
– Магчыма. Магчыма, новыя хлопцы пакуль уліваюцца ў калектыў, плюс траўміраваныя яшчэ ёсць у нас.
– У апошніх матчах адсутнічае Стасенка, што з ім?
– Пашкоджанне ў яго.
– Значыць, у моладзевай зборнай на яго нельга разлічваць?
– Я думаю, што наўрад ці ён згуляе.
– У вас напружаны графік. Сёння гульня з «Шахцёрам», а ў панядзелак пачынаецца кэмп моладзевай зборнай. Эмацыйна гатовыя? Усё ж у экстралізе зараз напружаная барацьба, няпроста пераключыцца.
– Мне цікава ў моладзевай зборнай – гэта зарад, гэта эмоцыі. Гэта іншая атмасфера. Можа, нават пойдзе на карысць.
– А з пункту гледжання падрыхтоўкі да плэй-оф у міжнароднай паўзе? Усё ж каманда яе правядзе без вас.
– Не так усё проста, што я сабраўся і з'ехаў. Ёсць план трэніровачны, усё распісана, і ўжо не першы раз каманда будзе трэніравацца без мяне. Тым больш, зараз яшчэ будзе два з паловай дні выходных, а 12 лютага я на месцы. Нічога страшнага не бачу, – сказаў Стась.
