Протас адзначыўся шайбай і асістам у трэцім матчы паўфінальнай серыі Кубка Колдэра супраць «Рочастэра»

«Хершы» Аляксея Протаса ў гасцях узяў верх над «Рочастэрам» – 4:2 у трэцім матчы паўфінальнай серыі плэй-оф АХЛ.

Беларускі форвард адзначыўся асістам пры першым узяцці брамы, а затым закінуў чацвёртую шайбу на апошняй хвіліне трэцяга перыяду. Таксама ён выканаў два кідкі і завяршыў сустрэчу з паказнікам карыснасці «+2».

Пасля трох паядынкаў паўфінальнай серыі Кубка Колдэра (да 4 перамог) «Хершы» выйшаў наперад – 2-1 (1:5, 2:0, 4:2).

Протас у цяперашнім розыгрышы плэй-оф згуляў у 10 матчах і набраў 9 (4+5) ачкоў пры паказніку карыснасці «+6».