Аляксандр Мацерухін: «Магілёў» і «Гомель» прабілі 11 булітаў. Мы рэалізавалі на адзін больш і апынуліся ўдачлівей»
Галоўны трэнер «Магілёва» Аляксандр Мацерухін пракаментаваў перамогу над «Гомелем» (2:1 Б) у Кубку Салея.
– Самае галоўнае, што мы выйгралі. Маючы столькі большасці пяць на тры і пяць на чатыры, хацелася б, каб гэты кампанент у нас працаваў лепей, чым сёння. Хакей зараз такі, што большасць – адзін з самых важных момантаў, нават пры дрэннай гульні тая каманда, якая рэалізоўвае яго, можа выйграць матч, у якім яна не занадта добра сябе паказвалі. Зразумела, што памылкі ў нас сёння былі, яны і надалей будуць, нам трэба толькі іх мінімізаваць. Хлопцы біліся да канца, самае галоўнае, што яны не апусцілі рукі пасля 0:1, дзякуй ім. Буліты... Ну, вы самі ўсё бачылі, так атрымалася, што нехта забіў на адзін больш, па 11 разоў каманды прабівалі. Камусьці пашанцавала больш, а камусьці менш, хтосьці аказаўся больш удачлівым. Брамнікі класна абаранілі, яны і так злавілі вельмі, але камусьці ўсё ж трэба было прапусціць, сёння нам у булітах павезла больш.
– У трэцім перыядзе пры ліку 1:1 задумваліся аб тым, што матч можа так зацягнуцца?
– Не, калі ідзе матч, ты не думаеш, будзе там авертайм або буліты. Ідзе гульня, большасць-меншасць, ты не думаеш, маўляў, «ага, праз 15 хвілін ужо будуць буліты».
– Ёсць такое хакейнае правіла: не забіваеш пяць на тры – прайграеш матч. Сёння ўспаміналі пра яго, калі не ўдалося рэалізаваць такі момант?
– Шчыра, не ўспамінаў, вось як толькі Вы зараз сказалі пра гэта, я і падумаў :) Гульня ў большасці – гэта майстэрства, на тых рабят, якія выходзяць у спецбрыгадах, ускладаецца вялікая адказнасць, значыць, трэнер ім давярае. Яны абавязаны выкарыстоўваць такія моманты, для гэтага яны і выходзяць, без рэалізацыі большасці цяжка будзе выйграваць матчы. Маючы сёння столькі большасці, мы павінны былі хаця б два галы забіць, тады ўжо зусім іншая была б гульня. Нам яшчэ ёсць над чым працаваць.
– Сёння на трыбунах вашу каманду падтрымліваў прыстойны дэсант заўзятараў, скажаце ім некалькі слоў?
– На жаль, у іх у дарозе зламаўся аўтобус, таму яны прыехалі ўжо пасля першага перыяду. Вялікі ім дзякуй, што яны ўсё ж дабраліся. Іх было вельмі добра чуваць, было гучна, я думаю, іх пачулі сёння ўсё. Хлопцы малайцы, яны ўжо не першы раз на выезды прыязджаюць. Хацелася б, каб гэты фан-клуб рос і станавіўся ўсё большым, яшчэ раз усім вялікі дзякуй за падтрымку! – сказаў Мацерухін.
