Квартальнаў аб паразе ЦСКА: «Было шмат добрых момантаў. Але і ёсць над чым падумаць»
Галоўны трэнер мінскага «Дынама» Дзмітрый Квартальна пракаментаваў таварыскі матч з ЦСКА (2:3).
– Добры перадсезонны матч. Гулялі з дзейным чэмпіёнам. Няхай у іх і быў збольшага эксперыментальны склад. Але ў любым выпадку гэта каманда, якая гуляла Кубак Гагарына. Гульня атрымалася добрай. Але хвілінная страта канцэнтрацыі ў другім перыядзе – і лік 0:3.
Наша каманда не згубілася і здолела пераламаць ход матча. Гульнёй задаволены. Было шмат добрых момантаў. Але і ёсць над чым падумаць.
– Наколькі задаволены характарам каманды? Былі блізкія да таго, каб зраўняць лік.
– Так, былі добрыя моманты ў канцоўцы матчу. Але хлопцы ў розным [фізічным] стане. Некаторыя толькі прыехалі. Ім патрэбны час. Спецыяльна паставілі іх у склад, няхай атрымліваюць гульнявую практыку.
– У канцоўцы закінулі трэцюю шайбу, але яе не залічылі. Вывучалі гэты момант?
– Гулялі не на «Мінск-Арэне», таму не было тэхнічнай магчымасці адразу паглядзець гэты эпізод. У іншай сітуацыі, калі б былі ўпэўнены, то ўзялі б запыт, – сказаў Квартальнаў.
