Чупрыс пра разгром «Магілёва» 8:0: «Лік не адлюстроўвае поўнай карціны таго, што адбывалася на лёдзе»

Галоўны трэнер «Шахцёра» Яраслаў Чупрыс падвёў вынікі матчу супраць «Магілёва» (8:0).

– Буйная перамога, але лік не адлюстроўвае поўнай карціны таго, што адбывалася на лёдзе. Супернік стараўся, біўся – хуткая каманда, стварылі дастаткова момантаў, але мы рэалізавалі свае, а яны не змаглі. Добрая каманда, з якой было нялёгка гуляць, першы перыяд, другі... так, мы ўдала забілі, большасць сёння пайшло.

Хлопцы пачулі мяне ў перапынку: «Магілёў» – не тая каманда, што была ў пачатку сезону, у іх дзве перамогі ў чатырох апошніх матчах, яны абгульвалі «Гомель», «Металург».

– Арцём Дзямкоў сёння закінуў свой 150-ы гол за «Шахцёр» і аформіў хет-трык.

– Маладзец. Чакаем, каб у кожнай гульні так.

– Сённяшні матч стаў тэматычным. Зразумела, што галоўны трэнер у першую чаргу сочыць за камандай, але можа музыка, Візуальнае суправаджэнне нейкую нотку настальгіі выклікалі?

– Так, была настальгія, карцінкі з «Каўказскай палонніцы», «Аперацыі Ы» ўсплывалі. Гледачам, думаю, таксама спадабалася, а ў цяперашні час мы павінны прыцягваць заўзятара не толькі сваёй гульнёй, але і забаўкамі, інтэрактывамі. З чым наша кіраўніцтва і прэс-служба выдатна спраўляюцца. Бачыў, што і заўзятары падтрымлівалі тэматыку, гэта класна, гэта – сіла ў камандзе, – сказаў Чупрыс.