Феактыстаў перапыніў 12-матчавую серыю без ачкоў у КХЛ
Беларускі форвард «Сочы» Мікіта Феактыстаў адзначыўся выніковай перадачай у пераможным матчы з «Амурам» (5:2).
Феактыстаў выходзіў на лёд на флангу 4-га звяна і асіставаў Джэрэмі Бракко, калі той закідваў 4-ю шайбу ў вароты «тыграў». За 11 хвілін 6 секунд на лёдзе ўраджэнец Гродна зрабіў 1 кідок у створ варот і 2 сілавыя прыёмы.
Гэта 30-ы асіст за кар’еру Мікіты ў КХЛ. У 19 сустрэчах бягучага сезона ён набраў 3 (1 +2) ачкі. Пры гэтым у 12 папярэдніх матчах нападаючы не папаўняў бамбардзірскую скарбонку.
Земляк Феактыстава Вячаслаў Грэцкі з «Амура» гуляў у 2-й тройцы, але не адзначыўся дзейснымі дзеяннямі за 15 хвілін 10 секунд на пляцоўцы. У яго па-ранейшаму 5 (4 +1) ачкоў.
«Сочы» набраў 30 балаў і займае 9-е месца ў канферэнцыі «Захад». «Амур» таксама 9-ы на «Усходзе» з 34 ачкамі.
