Чупрыс пасля 4:5 ад «Металурга: «Не прыхільнік ныцця, але ў «Шахцёра» хтосьці гуляў з тэмпературай, хтосьці – на антыбіётыках»

Галоўны трэнер салігорскага «Шахцёра» Яраслава Чупрыса падзяліўся эмоцыямі пасля паражэння ад жлобінскага «Металурга» (4:5) у матчы чэмпіянату Беларусі.

– Скажу адразу так: мы прайгралі з-за сваіх памылак, але па самааддачы, хай, можа, мала хто мяне падтрымае, у мяне да каманды няма прэтэнзій. Адбыўся дэбют маладога брамніка, недзе ён трымаў нас у гульні, таму віншую яго з дэбютам, таксама віншую з дэбютам маладога хакеіста Калеснікава. Але… Шмат выдаленняў, на жаль, быў роўны хакей, дзе нам не хапіла аднаго гола. Маглі параўноўваць у канцоўцы ў фармаце «6 на 5», пройдзем гэты этап усе разам, будзем выкарасквацца з гэтай сітуацыі.

– Момантаў жа шмат было.

– Куча. І ў другім перыядзе маглі вырашаць зыход матча. Будзем таксама змагацца, з такой самааддачай усё будзе добра.

– Каманда выглядала лепш, чым у двух папярэдніх матчах.

– Скажу так: я не прыхільнік ныцця, але многія хлопцы хварэюць, гуляюць на антыбіётыках, і я не маю маральнага права іх сёння не падтрымаць. Нехта выйшаў з тэмпературай, нехта гуляў на антыбіётыках і не скардзіцца. Два брамнікі хварэюць, Ляднік сёння малайчына.

– Відовішчны хакей для заўзятараў: і выдаленні, і штрафныя кідкі.

– Адзінае – не наша перамога. Гуляем дзеля перамогі і заўзятараў, дрэнна, што не перамаглі, але гэта такі этап, і мы яго перажывем.

– «Металург» быў звышматываваны, у мінулай хатняй серыі саступілі «Шахцёру» 0:10.

– Не было ніякай расхлябанасці, я шмат казаў пра гэта. Мы выйшлі гатовымі, але памылкі будуць заўсёды, не памыляюцца толькі машыны, і тое… Падтрымаю сваіх гульцоў, яны мужыкі. Столькі вірусаў зараз, ніхто не скардзіцца і выходзіць біцца, – распавёў Чупрыс.