Яраслаў Чупрыс: «Папярэджваў хлопцаў, што матч з «Дынама-Маладзечна» будзе цяжкім, так яно і аказалася»

– З перамогай, з цяжкай перамогай! Сапернік максімальна матываваны, б'ецца за плэй-ін. Папярэджваў хлопцаў, што матч будзе цяжкім, так яно і аказалася.

У першым перыядзе супернік быў злей, а мы цяжка ўваходзілі ў гульню, другі перыяд атрымаўся сярэдненькім, але, а трэці – добры. Зрабілі перастаноўкі ў звёнах, што дало свой плён, практычна ўсе змененыя звёны вызначыліся. Але ў трэцім перыядзе быў менавіта той «Шахтар», які быў на працягу ўсяго сезона, а не на працягу апошніх матчаў.

– Так, каманда стала падобная на сябе ранейшую, але тры штангі сёння зазвінелі, здавалася, хакейны фарт не на вашым баку.

– Гэты фарт цяжка заслужыць, але лёгка ўпусціць. То ў шчыток, то ў клюшку пападалі шайбы і дапамагалі супернікам перамагаць нас, мы ж так не маглі закінуць.

Таксама я хачу выказацца па маладых хакеістах. Вызначаныя ліміты, вядома, ім у плюс. Але ёсць гульцы, якія ўперліся і не жадаюць развівацца. «Вы, трэнеры, рабіце што хочаце, але нас наша гульня задавальняе». Гэтыя гульцы разумеюць, што кажу менавіта пра іх, ім трэба працаваць і ўдасканальвацца, расці, а не здавольвацца нечым малым.

– Міхаіл Шалагін сёння выйшаў у залатым шлеме. Гэта ўнікальная гісторыя для нашага чэмпіянату, хоць у іншых еўрапейскіх лігах падобнае здараецца ўвесь час.

– Галоўнае, што гэты шлем не перашкодзіў яму закінуць

– Магчыма, нешта падобнае зрабіць традыцыяй у нашым чэмпіянаце? Або, напрыклад, джэрсі «Top scorer».

– Вось майка – гэта цікавее. Падобнае ёсць у Ліге чэмпіёнаў. Тады ў кожнай камандзе будуць ведаць, хто найлепшы.

– Як справы ў траўміраваных?

– Гэта моцны галаўны боль. Вельмі не хапае цэнтральнага нападаючага Крыкуненкі, няма абаронцы нашага Жалдакова, няма Пышкайлы. Не шукаю апраўданняў, але нам іх не хапае. Жалдакоў на стадыі аднаўлення, з Крыкуненкам усё больш складана, а Пышкайла павінен вось-вось зняць гіпс, – сказаў Чупрыс.