Яраслаў Чупрыс: «Першыя матчы за «Шахцёр» Шалагіну былі нецікавыя»

Галоўны трэнер «Шахцёра» Яраслаў Чупрыс расказаў аб характары найлепшага бамбардзіра чэмпіянату 24-гадовага расіяніна Міхаіла Шалагіна.

– Для мяне, як для трэнера, Міхаіл Шалагін – гэта той яшчэ фрукт. Але працаваць з ім – задавальненне. Гэта датычыцца многіх момантаў: трэніроўкі, гульні і гэтак далей. З ім развіваешся як трэнер. Ён можа паставіць цябе ў любую сітуацыю. Гэта сапраўдны хакеіст у плане самааддачы, патрабаванні ад усіх навокал.

Пры гэтым ён дзікі да перамог, да выніку. Вядома, са сваімі прусамі ў галаве. Я і сам быў заўсёды даволі цяжкім хакеістам, усё гэта ведаюць. Яго я разумею выдатна – у нас дзень нараджэння ў адзін дзень. Ён такі ж вар'ят.

Насамрэч, не кожны партнёр можа з ім згуляцца. За кошт яго патрабаванняў, эмацыйнасці. Часцяком гэта не ў плюс партнёрам, якія з ім на пляцоўцы. Я і сам такі ж, разумею яго, бачу. Увесь час трэба яго тузаць.

Натуральна, ён заўсёды будзе на лёдзе. Акрамя таго, што ён можа вырашыць момант, ён не дасць падставы ўсумніцца ў сваім жаданні.

Калі ён перайшоў у каманду, першыя матчы былі не вельмі. На той момант ён быў гульцом менскага «Дынама», і яму было ўсё гэта нецікава. Пф, я гулец «Дынама», што вы мне расказваеце. Гэта псіхалогія. Хтосьці можа праз гэта пераступіць адразу, а камусьці патрабуецца даволі працяглы перыяд. Калі яго аддалі ў «Шахцёр», тады ён стаў станавіцца тым Шалагіным, якім ён з'яўляецца зараз.

У плэй-оф ён аддаваў сябе поўнасцю. Гэта было бачна. У той момант мы зразумелі, што гэта камандны гулец. Ён не злы чалавек у жыцці, не дрэнны ў кампаніі, – сказаў Чупрыс.