Буйніцкі пра «Металург» Мг: «Кантракт – 1,5 млн дoлaраў за тры гады. Дэтэктар хлусні? Псіхолагі задавалі розныя пытанні»
Экс-форвард зборнай Беларусі і мінскага «Дынама» Дзмітрый Буйніцкі распавёў пра свой кантракт з магнітагорскім «Металургам».
– Сума кантракту была вялікай? Таму што кампенсацыя ўсё ж мільён. Нават, па чутках, больш. Якія лічбы былі?
– 40-30-30 мільёнаў расійскіх рублёў.
– Колькі ў доларах было?
– Паўтары мільёны на той момант за тры гады.
– Ты прыязджаеш у «магнітку», трапляеш у першае звяно, у цябе здараецца траўма. Гэта рэцэдыў ці новая нейкая?
– Гэта рэцэдыў. Праапераваўся ў Германіі, прайшоў рэабілітацыю. Прыляцеў у «Магнітку», калена працягвала балець. Я прайшоў перадсезонку. Было балюча, нешта вось прам… Незразумела балюча. Але я проста ў Германіі на перадсезонцы паехаў у тую ж клініку, дзе рабіў. Мне глядзяць, кажуць: «У цябе тое ж самае». Я пачынаю капацца. Думаю, блін, дзе не так што працаваў. Тыпу рэабілітацыю добра прайшоў, усё як па кніжцы. Раблю, карацей, другі раз, і яно зноў страляе. А потым зрабіў у Маскве ў трэці раз і ўсё, усё нармальна.
– Самае цікавае – гэта дэтэктар хлусні. Гэта на цябе навешалі правады там?
– Ну так. Але правады не ляпілі.
– Як гэты працэс наогул адбываецца?
– Здаеш тэлефон, заходзіш – двое мужчын сядзяць. Зразумела, псіхолагі, з табой размаўляюць, задаюць розныя пытанні, размаўляеш, – сказаў Буйніцкі.
Нагадаем, у 2019-м, каментуючы чуткі пра «адкаты» са свайго заробку ў «Металургу» і выкліканую гэтым праверкай на дэтэктары хлусні, Буйніцкі заяўляў: «Пачынаюць пісаць пра адкаты, пра тое, што я нібыта праходзіў праверку на дэтэктары хлусні. Гэта проста смешна!».
