Уладзіслаў Яроменка: «Упэўнены, што Коласаў будзе гуляць у НХЛ»
Беларускі хакеіст Магнітагорскага «Металурга» Уладзіслаў Яроменка ацаніў перспектывы беларускага брамніка Аляксея Коласава ў НХЛ.
– Ужо гатовы. Колькі ён у «Дынама» правёў сезонаў і быў асноўным брамнікам... Ён асноўны брамнік зборнай, я лічу. І для мяне, калі шчыра, трохі дзіўна, што яны выклікалі Фядотава адразу ў НХЛ, далі яму згуляць, а Коласава вырашылі запусціць праз АХЛ. Але гэта тлумачыцца тым, што ён маладзейшы, і яны хочуць уцягнуць яго – спачатку даць там пагуляць, каб ён прывык да гэтага стылю хакея, асвоіўся і ўжо потым выйшаў на ўзровень НХЛ. Але, безумоўна, я ўпэўнены, што ён будзе гуляць у НХЛ, – сказаў Яроменка
Нагадаем, што мінулым летам Коласаў падпісаў трохгадовы кантракт пачаткоўца з «Філадэльфіяй». Але большую частку сезона-2023/24 ён правёў у мінскім «Дынама» ў статусе арандаванага.
