Рутэнка аб міжнародным бане: «Калі адхіляеце нас, то наступным будзе наша пытанне па адхіленні атлетаў з ЗША, краін НАТА, якія вядуць баявыя дзеянні ва ўсіх кропках свету»
Старшыня Беларускай федэрацыі тэніса Сяргей Рутэнка расказаў аб апеляцыі, якую БФТ адправіла ў міжнародны арбітраж пасля адхілення ад міжнародных камандных спаборніцтваў.
Нагадаем, што многія беларускія каманды і спартсмены былі адхіленыя ад міжнародных спаборніцтваў у адказ на вайну, якая з 24 лютага працягваецца Расіяй ва Украіне з выкарыстаннем тэрыторыі Беларусі.
«Мы падалі апеляцыю ў міжнародны арбітраж спартовы. Сутнасць нашага іску заключаецца ў тым, што мы патрабуем аднаўлення федэрацыі, допуску ўдзелу нашых спартсменаў з дзяржаўнай сімволікай. І, як следства, удзел нашых каманд ва ўсіх міжнародных спаборніцтвах. Мы спрабавалі са свайго боку знайсці нейкі кампраміс, агульную мову.
Мы таксама ў іску, калі заяўляліся, казалі, што мы гатовыя ў дасудовым парадку дамаўляцца. Нажаль, не чуюць нас спартовыя службоўцы. Кулуарна ёсць нейкія зрухі, маем зносіны і з юрыстамі, і з адвакатамі. Я ім кажу: ваша ацэнка якая? Калі будзе разгляд справы, арбітраж, на што будуць спасылацца судзьдзі? Ёсць палітычная падаплёка. Яны гавораць: калі тут падыходзіць без палітыкі, стопрацэнтна вы выйграеце гэтую справу. Мы разумеем, што тут гэта не будзе працаваць, тут, безумоўна, будзе палітыка. І як будуць прымаць рашэнне, будзем глядзець.
Мне б хацелася сказаць, каб не думалі, што гэта проста нейкі крык у нікуды. Па-першае, гэта пакажа многім, хто крычыць аб тым, што ў выпадку нашага пройгрышу, месца гэтых міжнародных судоў, пра якія гавораць, што яны вельмі сумленныя і правільныя. Другое, у выпадку нашага аднаўлення, мы пакажам і іншым відам спорту, і, у прынцыпе, зможам стаць вялікім прэцэдэнтам для іншых відаў спорту.
Трэці момант – гэта як мінімум міжнародныя чыноўнікі зразумеюць, што нельга проста так узяць і беспадстаўна адхіліць. Мы будзем змагацца і будзем адстойваць гонар краіны і гонар нашых спартоўцаў. Тое, што магу раскрыць, кулуарна размаўляем, вывучыўшы статут, я не бачу працэдуры аднаўлення. Працэдура адхілення накшталт як ёсць рашэннем большасці галасоў, але для гэтага патрэбна падстава.
Я тады выступаў на міжнароднай асамблеі, праўда, гэта было анлайн. Я тады сказаў: калі вы на падставе дзеянняў нейкіх, якія адбываюцца ў свеце, адхіляеце нас, то я папярэджваю, што наступным будзе нашае пытанне па адхіленні атлетаў са Злучаных Штатаў Амерыкі, прадстаўнікоў краін НАТА, якія вядуць баявыя дзеянні пастаянна ва ўсіх кропках. свету. Калі ўжо гэта паслужыла адхіленьнем. Мне тады амаль выключылі мікрафон, сказалі: дзякуй, у вас час заканчваецца.
Я хачу іх проста лішні раз тыкнуць у гэта і сказаць: добра, калі вы так зрабілі, то давайце на такіх самых парытэтных правах і далей размаўляць. Жадаю паглядзець, што яны адкажуць. Яны зараз сядзяць і чухаюць галаву. Усё роўна ж рана ці позна давядзецца аднаўляць. Што будзе з нашымі рэйтынгамі? Я ім задаў гэтае пытанне. Гавораць: мы не ведаем. Чаму вы не хочаце ўвогуле дамаўляцца? Прыйдзецца дамаўляцца!» – сказаў Рутэнка.
