Ілля Шымановіч: «Палова свету не разумее, чаму беларусаў не было на міжнародных спаборніцтвах»

Беларускі плывец Ілля Шымановіч расказаў, як іншыя спартсмены адрэагавалі на допуск беларусаў да міжнародных спаборніцтваў.

«Стаўленне да нас было добрае, без негатыўных эмоцый – усе былі радыя нас бачыць. Палова свету ўвогуле не разумее, чаму нас не было, яны нават не цікавяцца тым, што адбываецца. Напрыклад, дзівіліся з таго, што рускія не прыехалі. Навіны яны там, здаецца, асабліва не глядзяць. І гэта я кажу пра Еўропу, бліжэй да Брытаніі. Як я разумею, у агульных рысах яны ведаюць сітуацыю, але ў падрабязнасці не ўнікаюць. Прычым сярод іх былі топавыя спартоўцы, чым я быў вельмі здзіўлены», – распавёў Шымановіч.

Нагадаем, беларускіх плыўцоў, у адрозненне ад расіян, дапусцілі да міжнародных спаборніцтв пад нейтральным статусам. У кастрычніку беларусы прынялі ўдзел у Кубку свету па плаванні.