Алег Рыжанкоў: «Калі Беларусь на Кубку Садружнасці паказвае высокі вынік, то i на сусветнай арэне нашыя лідaры не згубяцца»
Галоўны трэнер зборнай Беларусі па біятлоне Алег Рыжанкоў падзяліўся меркаваннем аб магчымым допуску да міжнародных спаборніцтваў.
На стартавым этапе Кубка Садружнасці па летнім біятлоне беларус Антон Смольскі выйграў тры гонкі. У турніры бяруць удзел спартсмены з Расіі і Беларусі.
– Нашы лідaры гатовы ў любы момант вярнуцца і змагацца з лідaрамі сусветнага біятлону. Калі мы на ўзроўні Кубка Садружнасці паказваем высокі вынік (нельга ж сказаць, што там удзельнічаюць слабыя спартсмены), то ўжо на сусветнай арэне нашы лідары не згубяцца. Калі гэта адбудзецца, то асобныя нашы біятланісты будуць здольныя навязаць канкурэнцыю лідaрам, – сказаў Рыжанкоў.
Нагадаем, у адказ на вайну, якая з 24 лютага 2022-га працягваецца Расіяй ва Украіне з выкарыстаннем тэрыторыі Беларусі, МАК 28 лютага 2022-га апублікаваў рэкамендацыю адхіліць прадстаўнікоў Расіі і Беларусі ад міжнародных спаборніцтваў, як i зрабiла большасць сусветных федэрацый па відах спорту.
28 сакавіка 2023-га МАК абвясцiў, што з гэтага моманту рэкамендуе дапускаць да міжнародных спаборніцтваў беларускіх і расійскіх індывідуальных атлетаў у нейтральным статусе, калі такія спартсмены не дапускалі «актыўнай падтрымкі» вайны ва Украіне, а таксама не маюць кантракта з ваеннымі або сілавымі ведамствамі Беларусі ці Расіі.