Украінка Харлан пра бан за адмову ціснуць руку расіянцы: «Гэта забіла, але я ажыла, пачуўшы, што матывавала нашых байцоў»
Алімпійская чэмпіёнка па фехтаванні Вольга Харлан падзякавала за падтрымку пасля таго, як яе дыскваліфікавалі на ЧС пасля адмовы ціснуць руку расіянцы Ганне Смірновай.
«Сёння быў вельмі цяжкі і вельмі важны дзень. Тое, што адбылося сёння, гэта дае вельмі шмат пытанняў, але адначасова і вельмі шмат адказаў. Мы зразумелі, што краіна, якая тэрарызуе нашу дзяржаву, нашых людзей, нашы сем'і, таксама тэрарызуе і спорт. Таму што адбылося сёння – тое, як і павінна было адбыцца.
Я не хацела паціскаць руку гэтай спартсменцы, і я дзейнічала сваім сэрцам. Таму калі пачула аб тым, што мяне жадаюць зняць са спаборніцтваў, дыскваліфікаваць, даць мне чорную картку – вядома, гэта мяне забіла. Забіла настолькі, што я крычала ад болю.
Але потым я пачала ажываць, таму што вы, вашыя мэсыджы, вашыя старыс, ваша падтрымка, падтрымка кожнага, а асабліва падтрымка ад нашых байцоў, якія нас абараняюць. Калі чую гэта, што я іх матывую ці гэты ўчынак матываваў іх, гэта немагчыма перадаць. Дзякую кожнаму з вас. Дзякую кожнаму байцу, які нас абараняе. Ведаеце, ніколі нікога не можам прымусіць да міру, асабліва ўкраінцаў. Ніколі. Ніякім поціскам рукі. Ніколі. Таму так будзе заўжды.
Я, верагодна, разумею, як усё ў гэтым свеце, у адэкватным свеце, разумею, што правілы павінны змяніцца, таму што мяняецца свет. Але тое, што адчуваю ад вас усіх – гэта не перадаць словамі. Дзякуй кожнаму. Адчуваю ўсё. Вы ў маім сэрцы. І Слава Украіне», – сказала Харлан.
Нагадаем, з 24 лютага 2022 году Расія працягвае вайну ва Украіне з выкарыстаннем тэрыторыі Беларусі.