Златка Даліч: «Харватыі не хапала сапраўднага форварда»
Галоўны трэнер зборнай Харватыі Златка Даліч пракаментаваў паражэнне ў паўфінале ЧС-2022 ад Аргенціны (0:3).
«Я віншую Аргентыну з выхадам у фінал. Ні ў чым не абвінавачваю сваіх хлопцаў, мы кантралявалі гульню ў першыя 30 хвілін, але часам табе шанцуе, а часам не. Хлопцы пратэставалі, што не атрымалі кутняй, і адразу прапусцілі контратаку (гаворка ідзе пра эпізод з пенальці – заўв. Tribuna.com).
Аднак мне няма на што скардзіцца. Трэба падрыхтавацца да матча за трэцяе месца, якое ў нас засталося.
Мы стваралі добрыя моманты, але не хапала канкрэтыкі ў дзеяннях. Бракавала сапраўднага форварда. Хацелі быць больш небяспечнымі з глыбіні з Оршычам, перайсці на вертыкальную гульню.
Аднак прапусцілі яшчэ адзін гол. Брозавіча замянілі, бо ён адчуў боль у мышцы, хацелі захаваць яго да наступнага матчу. Калі б хто сказаў нам аб гэтым выніку перад ЧС, то мы б неадкладна пагадзіліся», – адзначыў Даліч.
