Скавыш пра выступ «Шахцёра» ў еўракубках-2022: «Калі б гралі ў Салігорску, то я ўпэўнены чамусьці, што мы б прайшлі»
Нападаючы «Шахцёра» Максім Скавыш падзяліўся ўражаннямі ад выступу «гарнякоў» у еўракубках у мінулым сезоне.
Нагадаем, што ў мінулым розыгрышы еўракубкаў салігарчане ў першым раундзе кваліфікацыі Лігі чэмпіёнаў саступілі «Марыбору», а ў трэцім раундзе кваліфікацыі Лігі канферэнцый не змаглі прайсці ЧФР.
– Ты неяк адпусціў сітуацыю з гэтым няўдалым годам у еўракубках? Пераасэнсаваў?
– Зразумела, што нейкія высновы ў любым выпадку робіш, і, я думаю, у наступным годзе нам будзе лягчэй. Але ў той жа час, я думаю, што сёлета недзе мы няправільна спрацавалі, таму што нам каманды трапіліся, якія мы маглі праходзіць. Калі б гулялі ў Салігорску, то па-любому, я ўпэўнены чамусьці, што мы б прайшлі.
Але нават калі ўлічваць, што мы гулялі на выездзе, то ўсё роўна нам… Дзесьці ў трэнерскім штабе не хапіла досведу, і футбалістам таксама дзесьці ў вырашальны момант ледзь не хапіла стрыманасці ці яшчэ чагосьці.
Не так даўно гэта ўсё было, усё свежа ў памяці яшчэ. І кожная каманда – і ЧФР, і «Марыбор» – былі праходнымі, проста нам трэба было нешта ў сабе крыху памяняць, – сказаў Скавыш.
