Абаронца зборнай Беларусі Казюпа: «У Венгрыі вельмі шмат такіх сераднячкоў-каманд, у якіх не так проста выйграць. Там чэмпіянат мацнейшы за беларускі»

Беларуская абаронца Ганна Казюпа параўнала чэмпіянаты Беларусі, Харватыі і Венгрыі.

Нагадаем, у жніўні 27-гадовая футбалістка перайшла ў венгерскі «Д`ёр» з харвацкага «Спліта». Таксама яна ўсё яшчэ з`яўляецца часткай зборнай Беларусі.

– Многія балельшчыкі да гэтага часу думаюць, што ты ў складзе «Спліта» харвацкага. Наколькі я ведаю, ты ўжо футбалістка, якая гуляе ў чэмпіянаце Венгрыі за «Дьер». Як табе ўзровень чэмпіянату Венгрыі, Харватыі і Беларусі? Можна неяк іх параўнаць: які мацнейшы, які слабейшы?

– Узровень Харватыі больш падобны да беларускага, таму што там у асноўным дзве вядучыя каманды і астатнія – значна слабей. Узровень Венгрыі, калі мы паглядзім па табліцы, то выглядае прыкладна гэтак жа: дзве наймацнейшыя каманды, астатнія – ніжэй. Але на самой справе ў Венгрыі гуляць нашмат складаней, таму што нават супернік, які, здавалася б, значна ніжэй, з ім ты прыкладаеш вельмі вялікія намаганні, каб забіць, выйграць і г.д.

У Венгрыі я, сапраўды кажучы, не чакала, што будзе такі чэмпіянат. Ён мяне прыемна здзівіў, таму што ў Венгрыі вельмі шмат такіх сераднячкоў-каманд, у якіх не так проста выйграць. Зразумела, што за першае месца змагаемся мы і «Ферэнцвараш» – гэта відавочныя лідэры чэмпіянату. Але, нягледзячы на гэта, у нас ужо нічыя была і былі такія складаныя гульні, дзе мы, вядома, выйгралі, але так, на тоненькага, скажам. Таму чэмпіянат Венгрыі мацнейшы. Я лічу, што ён мацнейшы за наш беларускі, – сказала Казюпа.