Расіянка «Мінска» Кісконен: «У 2020-м падчас каранціну ад няма чаго рабіць сталі набіваць татушкі. Колькі іх – нават не лічыла»

Расійская паўабаронца «Мінска» Марына Кісконен распавяла пра сваю любоў да татуіровак.

– У медыйнай прасторы вядома ваша любоў да татуіровак. Колькі іх і што яны значаць?

– Калі шчыра, нават не лічыла. Мне падабаецца, як гэта выглядае на целе. Падчас каранціну ў 2020 годзе мы ў кватэры сядзелі амаль невылазна месяцы тры. І ад няма чаго рабіць сталі набіваць татушкі. З імі не так сумна, – сказала Кісконен.

Нагадаем, Кісконен перайшла ў «Мінск» у лютым 2023 года, зараз выступае ў чэмпіянаце Беларусі. Да гэтага футбалістка працавала з ЦСКА.