«Барселона» можа ўключыць Фаці або іншых гульцоў у здзелку па Кіміху
«Барселона» сур'ёзна настроена падпісаць паўабаронцу «Баварыі» Ёзуа Кіміха, паведамляе As.
Такое рашэнне выклікана тым, што ў канцы сезону каманду пакіне Серхіа Бускетс. Клуб такім чынам хоча кампенсаваць страту апорнага хаўбеку.
Паводле інфармацыі Mundo Deportivo, Кіміх, кантракт якога разлічаны да 2025 года, незадаволены баварскім клубам і гатовы пайсці па слядах Роберта Левандоўскага.
У «Барселоне» пацвердзілі намеры падпісаць 28-гадовага немца і заявілі, што ім вядома пра магчымыя цяжкасці:«гэта вельмі складана, але не немагчыма».
Сума трансферу можа скласці каля 80 мільёнаў еўра. Чакаецца, што «Барса» паменшыць суму, уключыўшы ў здзелку свайго гульца. Нямецкаму клубу могуць быць прапанаваныя Ніка Гансалеса, Сержыньё Дэста, Ферана Торэса або Ансуманэ Фаці.
